Chodyè tranzisyon an panche: Yon komisyon CARICOM ap rantre jodi 10 dawou 2024 pou vin redrese’l.-

Tikontribisyon Pam pou dosye a.

Depi apre kidnapping ansyen Premye Minis Ariel Henry, Etazini bay CARICOM yon kalandriye pou egzekite. San menm deplase, yo separe peyi a bay 9 sektè yo, epi yo batize yon konsèy prezidansyèl ki gen 9 prezidan pou dirije plis pase 12 milyon moun.

Vini Komisyon CARICOM nan vle di: Gen kriz

Konfli ant Claude Joseph ak nouvo Premye Minis Garry Conille te klè, men pa t gen okenn nan yo ki te fè yon deklarasyon ofisyèl sou sa. Menm si dosye 100 milyon goud BNC a enplike 3 nan manm konsèy la, pa gen okenn evidans paske ULCC poko pibliye okenn rapò. Men, pou kesyon etik, 3 manm konsèy sa yo ta dwe mande ranplase yo annatandan pou konsève lonè yo. Vini CARICOM nan ka kreye yon kriz ki pa t menm egziste. Sou plan politik, akòz ensatisfaksyon popilè apre 3 mwa kote gen moun ki pa menm jwenn ton mant, sa ka debouche sou yon sitiyasyon ki pi grav pase sa Jovenel oswa Ariel te konnen.

Move siy yo fè santi zafè eleksyon an pa pou kounya

Malgre prezans 400 sòlda Kenyan, André Michel tap mande entènasyonal la pou ede PNH la konbat gang yo epi pèmèt popilasyon an vake nan aktivite yo. Men, jounen jodi a, se franse ak kreyòl moun ap swiv chak jou pandan y ap manje diri.

Entènasyonal la fè Ayiti tounen yon pyèj pou pwòp pitit li

Atant pèp Ayisyen an, se pou delegasyon sa a vini ak kèk patwon antrepriz pou kreye travay, vini ak kèk projè ki nan plan 10 an Etazini gen pou Ayiti, epi bay pèp la verite sou sa Etazini ak Kanada vle fè ak Ayiti. Èske yo vle kreye yon kriz atifisyèl pou fè Ayiti tounen yon lanfè pou Ayisyen? Paske pa gen okenn lòt pouvwa ki nan batay ak Etazini ni Kanada, kidonk pa gen rezon pou yo sipòte gwoup teworis andedan peyi a pou kreye dezòd, menm jan sa ap fèt nan peyi Mali, Niger, ak Burkina Faso.

Pou fini: Propagandis ki gen mikwo kap defann CPT ak Primati yo pa gen ase konesans pou fè nou konnen Ayiti fè kounya pati nan lis peyi « failed states » an anglè. Eta fayit yo se peyi kote gouvènman santral la pèdi kontwòl efikas sou teritwa li, li pa kapab bay sèvis piblik esansyèl ankò, e li fè fas ak gwo pwoblèm politik oswa sosyal. Daprè plizyè klasman ak analiz, kèk nan peyi yo ki souvan klase kòm eta fayit oswa ki prèt pou vin eta fayit gen ladan yo: Somalie, Yémen, Soudan du Sud, Syrie, République Centrafricaine, Haïti, Libye.

Eta sa yo souvan karakterize pa konfli entèn ki dire lontan, yon gouvènans ki pa efikas, yon ekonomi ki kraze nèt, ak gwo nivo vyolans ak ensekirite.

About The Author

admin

See author's posts